Эй лашкари шуҷоъи мо, бар ту шараф, Шараф!

 Дар шуъбаи кўдакон ва наврасони Муассисаи давлатии «Китобхонаи миллии Тоҷикистон» маҳфили «Дастони моҳир» бахшида ба Рўзи «Қувваҳои Мусаллаҳи Ҷумҳурии Тоҷикистон» дар мавзӯъи «Ҳавопаймои ҳарбӣ» баргузор шуд, ки дар он хаонандагони толори хониши шуъба ширкат карданд. Муаллима ҳадафи мавзӯъро фаҳмонд ва гуфт, ки           Тоҷикистони имрўза  соҳибистиқлол аст. Яке аз рукнҳои асосии соҳибистиқлолии ҳар кишвар доштани Қувваҳои Мусаллаҳ мебошад. Қувваҳои Мусаллаҳ зиндагии осоиштаи мардум, истиқлолият ва якпорчагии марзу буми Ватанро аз душманони ошкору пинҳон ҳифз менамояд.

   Халқи тоҷик дар тўли таърихи чандинасраи худ ҳеҷ гоҳ ҷаҳлро аз хирад боло нагузоштааст. Гузаштагони мо танҳо ба хотири дифои арзу буми хеш ба муқобили аҷнабиёни истилогар силоҳ бардоштанд. Номи фарзандони қаҳрамони тоҷик, ба мисли Спитамен, Деваштич, Муқаннаъ, Темурмалик ва дигарон, ки барои озодию истиқлоли кишвар мубориза бурдаанд, дар лавҳи хотири халқ абадӣ нақш бастааст.

  Рўзи 23 – уми феврал яке аз идҳои шарафманд ва дўстдоштаи тамоми халқ, аз ҷумла хонандагони мактаб мебошад. Тавассути ин ид дар хонандагон нисбат ба муҳофизати Ватан ҳисси ифтихору эҳтиром ва муҳаббат парварида мешавад. Хонандагон дар чорабиниҳои ҳарбӣ – ватандўстӣ, ки дар рафти сол дар мактаб мегузаранд, иштирок намуда, дар бораи таърихи гузаштаи халқу давлати тоҷикон, дар бораи анъанаҳои гузаштаи шўҳратманди ҷангии Қувваҳои Мусаллаҳ донишҳои нав ба нав ҳосил мекунанд.

 Мақсаду вазифа ва моҳияти асосии он дар хонандагон тарбия кардани ҳушёрӣ, зиракӣ, далерӣ, чолокӣ, солимӣ, дар коллектив якҷоя амал ва зиндагӣ карда тавонистан, ба ибораи дигар, тайёр кардани муҳофизони ояндаи Ватан аст.

               Лашкари Ватан

Далер Лашкари Ватан,

                                   Зебе фари Ватан,

Чу ҷон ба пайкари Ватан,

                                    Болу пари Ватан,

Дар осмони софи мо

                                     Чун ахтари Ватан,

Ҳар аскари Ватан шуда

                                     Бахтовари Ватан,

Осудагии кишварат бошад туро ҳадаф,

Эй лашкари шуҷоъи мо, бар ту шараф,

                                                   Шараф!

   Сулҳу салоҳ кардаӣ

                                    Азму мароми худ,

    Бо хатти зар навиштаӣ

                                    Назму низоми худ,

    Ҳар афсару ҳар аскарат

                                     Чун Рустами замон,

Осудагии кишварат бошад туро ҳадаф,

Эй лашкари шуҷоъи мо, бар ту шараф,

                                                         Шараф!

Фарзандҳои ҷонфидо

                                 Бигрифта ҷон ба каф,

Баҳри дифои хақи худ

                                 Истода ҳар тараф,

Чун кўҳсори тоҷикон

                                 Барҷову устувор,

Дар зери Парчами Ватан

                             Ҳастанд саф ба саф,

Осудагии кишварат бошад туро ҳадаф,

Эй лашкари шуҷоъи мо, бар ту шараф,

                                                   Шараф!

 Сипас, муаллима бо хонандагон дар бораи Рўзи Артиши миллӣ, 23-феврал саволу ҷавоб намуда, шеърҳо ва ҳикояҳои ҷолиб қироат ва нақл карданд ва баъдан бо хонандагон чӣ тавр сохтани ҳавопаймои ҳарбиро нишон дода, бо истифодаи маводҳои конселярӣ ва табиӣ аз қабили коғази ранга  ва ширеш тайёр намуданд. .

  Шаҳноза Дониярова,

сармутахассиси шуъбаи кўдакон

 ва наврасони КМТ                                               

 

Маводҳои ҳамсон